بسم الله الرحمن الرحيم
-أول نشر لها بتآريخ اليوم -
عقب ما هان الود بينك وبيني &&& ترا خيل الوداعذا اليوم سرجته
بمتطي ضهر الجفا والعنان وني &&& وصِدا صهيله عزا ون ن ونيته
خلاص حان الموادع يا جارحني &&& برحل انا وقلبي اللي ذبحته
أفسح درب الموادع لا اتعنيني &&& ترا ما بقى عنـا ما تعنّـيته
ترا ضلمك كفا مني ومكفيني &&& عطيتني عكّس ما أنا عطيته
وكآن ودك نتعاتب يا معنيني &&& تعال نذكر ماضي المر ابونته
لكن قبل نتحاسب يا متعبني &&& طهر كفوفك من (؟) جرح ٍ جرحته
ولا تقول اني ضلمتك وتضـلمني &&& انت ماحصدت غير زرع ٍ زرعته
عطيتك عمـري وأنت امجافيني &&& عطيتك قلبي وفي كفن كفنته
كنت كفّ عونك ومعك معيني &&& لكن كفّ عوني بكفّك بترته
تعذبني وتغرف الدمع من عيني &&& وعينك تبتهج من دمع ٍ غرفته
وانا لا و محال يجيك الخطا مني &&& وانا اسمك قبل ما انفطم نطقته!!
أحس أني أنا (أبوك) وانت ضنيني &&& ومستحيل اقسى على طفل ٍ ربيته
وانا من حبي لك تحملت التجني &&& وسم الغدر بفاه الوفا رشفته
وفوق هذا كله يا كلي ذليتني &&& وقلبي فوق حبه برجلك وطيته
انشـّـدك بالله وبالله جاوبني &&& قلبي اللي عطيتك ليه ذبحته
وليه شلته وليه ركض جيتني &&& و قدام عيني يعني ليه رميته
يعني تبي تعذبني وتذلـّني &&& وانا اللذي هنت كل من كرهته
ولآ مثل ما ذبحته تبي تذبحني &&& ومن ذبحه قلي وش اللي خذيته؟؟؟
واليوم ماهي غريبه لو بتجيني &&& و تقول قبرك ذا اليوم حفرته
وعلى فكره قبل ما ارحل بحزني &&& ترا عذاب قبري باسمك سميته
وسلآمتكم
.gif)
انـشـدك بالله وبالله جاوبـيني &&& قلبي اللي عطيتك ليه ذبحتيه
العرض العادي
